31 мар 13:56
Янгиликлар

Теннис

Бугун Султонов Италиядаги "Челленжер" турнирида кортга чиқади

Мамлакатимизнинг биринчи ракеткаси Ҳумоюн Султонов икки ҳафталик танаффусдан сўнг яна турнирларга қайтмоқда.

Ҳамюртимиз Италиянинг Барлетта шаҳрида ўтказиладиган турнирда иштирок этади. Ушбу "Челленжер" туркумига кирувчи мусобақанинг мукофот жамғармаси 91 250 еврони ташкил қилади. Турнирда 8-рақам остида таснифланган Ҳумоюн бугун илк даврада украиналик Олександр Овчаренкога қарши кортга чиқади.

Таққослаш учун, Султонов ATP рейтингида 229, Овчаренко эса 327-ўринни эгаллаб турибди. Ушбу баҳс бизнинг вақт билан соат 16:00да бошланади. Бу теннисчиларнинг ўзаро ўтказадиган илк учрашуви бўлади.