12 мар 11:19
Янгиликлар
Шахмат
Бугун Tashkent Open халқаро турнири бошланади
Бугун шахмат бўйича биринчи ўзбек гроссмейстери Георгий Агзамов хотирасига бағишланган Тошкент Опен халқаро турнири старт олади.
Республика ихтисослаштирилган болалар-ўсмирлар шахмат мактаби мезбонлик қиладиган мусобақада юртимиз шахматчиларидан ташқари Россия, Беларусь, Марказий Осиё мамлакатларидан келган юқори интеллект соҳиблари бош мукофот учун дона суришади.
Бугун соат 12:00да халқаро турнирга бағишланган матбуот анжумани бўлиб ўтади. Соат 14:00да эса мусобақанинг тантанали очилиш маросими ўтказилади. Тошкент Опен турнири швейцарча тизимда 9 турдан иборат бўлади. Шахматчилар рейтингдаги ўринларига қараб А ва В гуруҳларида баҳслашишади.
Маълумот учун, анъанавий тарзда ўтказиб келинаётган халқаро турнирнинг мукофот жамғармаси 20 000 АҚШ долларини ташкил қилади. Асосий гуруҳда биринчи ўринни эгаллаган шахматчи 3 000 долларга эга бўлади.
Ҳавола :
Манба : olamsport.com
Фикрлар