20 дек 09:37
Янгиликлар

Дзюдо

Бугун Термиз шаҳрида ёшлар ўртасида Ўзбекистон чемпионати старт олади

20-22 декабрь кунлари Сурхондарё вилояти маркази Термиз шаҳри дзюдо бўйича ёшлар ўрасидаги Ўзбекистон чемпионатига мезбонлик қилади.

Уч кун давомида 2005-2006 йилларда таваллуд топган дзюдочилар ўз вазн тоифаларида мамлакат чемпионлиги учун татамига чиқади. Мусобақада Қорақалпоғистон Республикаси, барча вилоятлар ва Тошкент шаҳридан сараланиб келган дзюдочилар медаллар учун баҳсларга киришади.

Термиз Яккакураш спорт турларига ихтисослаштирилган спорт мактаби залида ўтказилувчи Ўзбекистон чемпионатининг илк куни енгил вазнларда ғолиб ва совриндорлар номи маълум бўлади. Бугун ўғил болалар -60, -66 кг, қизлар эса -48, -52 ва -57 кг вазн тоифаларида ўзаро беллашишади.