26 май 07:43
Янгиликлар

Дзюдо

Бугун Термизда Ўзбекистон Кубоги бошланади

Сурхондарё вилояти маркази Термиз шаҳри уч кун давомида дзюдо бўйича катталар ўртасидаги Ўзбекистон Кубогига мезбонлик қилади.

Бироздан сўнг "Сурхон Арена" спорт саройида старт оладиган ушбу мусобақада Қорақалпоғистон Республикаси, барча вилоятлар ҳамда Тошкент шаҳридан дзюдочилар ғолиблик йўлида татамига чиқадилар.

Уч кун давом этадиган мамлакат кубогида айни пайтдаги ўз вазн тоифаларининг биринчи рақамли дзюдочилари иштирок этмайди. Улар ҳозирда Самарқанд ва Тошкент вилоятида ўтказилаётган ўқув-машғулот йиғинларида Грузия ҳамда Хорватиядаги халқаро турнирларга тайёргарлик кўришяпти.

Бугун мусобақанинг биринчи куни эркаклар ўртасида -60, -66, аёлларда эса -48, -52 ва -57 кг вазн тоифаларида ғолиб ҳамда совриндорлар номи маълум бўлади.