Бугун “Тошкент Челленжер” турнирига старт берилади

Соврин жамғармаси 125 минг долларни ташкил қилувчи ушбу турнирда дунёнинг 20дан зиёд давлатидан кўзга кўринган теннисчиларнинг иштирок этади. Чехиялик Иржи Весели турнирнинг биринчи ракеткаси сифатида эътироф этилган.

Шунингдек, франциялик Жереме Шарди, ливатлик Рикардас Беранкис, россиялик Евгений Донской каби теннисчиларнинг пойтахтимизга ташриф буюриши мусобақанинг қизиқарли кечишини таъминлаши аниқ.

Улар орасида Ўзбекистон терма жамоаси аъзолари Денис Истомин, Фаррух Дўстов, Санжар Файзиев, Жўрабек Каримов, Ҳумоюн Султонов каби теннисчиларимиз ҳам ўз имкониятларини синовдан ўтказишади.

Эътиборлиси, ўтган йилги турнирда мамлакатимизнинг биринчи рақамли теннисчиси Денис Истомин барча рақибларини мағлубиятга учратиб, бош мукофотни қўлга киритган эди. У ҳал қилувчи финал учрашувида словакиялик Лукаш Лацкони 6:3, 6:4 ҳисобида таслим этганди.