Дўмбоқ Руис собиқ чемпион Энтони Жошуага қарши рингга кўтарилади. Реванш 2019 йилнинг энг муҳим баҳси. Бу жанг ҳатто араб шайхларини ҳам қизиқтириб қўйди, улар бу тўқнашувга юз миллион доллар таклиф қилишди. Шунингдек, улар жуда қисқа фурсатда замонавий арена бунёд этишди.

Руис реваншга рози эмасди, лекин уни 13 миллион доллар кўндирди, Жошуа эса рақибидан етти баравар кўпроқ гонорар олади.

1 июнь куни Нью-Йоркда дўмбоқ ва кичик Энди Руис ўша вақтдаги супероғир вазн юлдузи Энтони Жошуга қарши рингга кўтарилди. Бу жанг Энтони учун АҚШдаги дебюти эди. Руис у учун осон ўлжа эди. Лекин мексикалик уни еттинчи раундда нокаут қилиб, йил сенсациясига сабаб бўлганди. Энди Хирн тезлик билан реванш талаб қилди, лекин бунга осонликча эришмади. Руис биринчи жанги учун ўзи учун рекорд (5 миллион доллар)га эга чиққанди. Руис реваншга рози бўлгиси келмади, аммо уни катта миқдордаги пуллар рози қилди. Руис реванш учун 13 миллион долларга эга бўлади. Шу сабабли ҳам Энди таваккалга қўл уришга мажбур бўлди. Жошуа эса бу жангдан 85 миллион доллар ишлаб олади, Жошуадан фақатгина Флойд Мейвезер кўпроқ пул ишлаб олган.

Нега жанг Саудия Арабистонида бўлиб ўтмоқда?

Тўқнашув дастлаб АҚШда ёки Буюк Британияда ўтказилиши лозим эди. Лекин Саудия бойларига бу жанг жуда қизиқ туюлди. Шу сабабли улар бу жангга юз миллион доллар тикишларини маълум қилишди. Фақатгина битта шарт билан: жанг Арабистони ярим оролида бўлиши шарт! Шу тариқа, Эдди Хирн жангни Саудия Арабистонида ўтказишга рози бўлди. Шунингдек, шайхлар битта бокс кечаси учун алоҳида арена ҳам қуришди.

Жошуанинг психологик ҳолати яхши эмас, у ҳар бир танқидга фикр билдирмоқда. Унинг мағлубияти фаолиятига якун ясаши мумкин.

Жошуанинг биринчи жангдаги мағлубиятидан сўнг аҳволи жуда ёмон эканлиги маълум қилинди. Буни ҳаттоки Жошуанинг ўзи ҳам таъкидлади. Жошуа Руиснинг имкониятларига паст баҳо бериши, уни фаолиятидаги дастлабки мағлубиятини тақдим этганди. Жошуанинг бу даражадаги депрессияга тушиб қолишига сабаблардан бири - унинг дастлабки мағлубияти кичкинагина Руисдан қабул қилгани бўлди. Иккинчи мағлубият эса унинг фаолиятига нуқта қўйиши мумкин.

Жошуа жангга хотиржам чиқиши лозим. Руис эса имконияти чегараланган боксчи

Ҳар қандай ҳолатда ҳам Жошуа жангда фаворит. Биринчидан, Энтонининг бўйи ҳамда қўллари рақибиникидан анча узун. Иккинчидан, у "класс" бобида Руисдан шунчаки кучли.

Бу ҳатто Руиснинг вакилларига ҳам маълум.

“Бизнинг А ва Б режаларимиз бор. Ҳар қандай ҳолатга тайёр бўлишимиз керак. Жошуа жуда кучли боксчи. У биринчи жанг шунчаки сенсация бўлганини исботлашга ҳаракат қилади”, - деди Руиснинг мураббийи.

Руис биринчи жангда бўлганидек, тезкор ва кучли зарбалар бера олса, у яна ғалаба қозониши мумкин. Жанг тўлиқ давом этмаслиги тахмин қилинмоқда. Сабаби ҳар икки боксчининг зарбалари даҳшатли. Бугун Руис тарих яратишда давом этиши мумкин. Ёки аксинча - Жошуа 1 июнь воқеалари шунчаки тасодиф эканлигини исботлайди. Буларнинг барчаси бугун тунда бўлиб ўтадиган супер тўқнашувда маълум бўлади.

Сиз ушбу жангдан нималар кутмоқдасиз? Фикрларингиз биз учун қизиқ. 

Энтони Жошуа - Энди Руис. Жангни қандай қилиб томоша қилиш мумкин?

Ниғмонхўжа Нозимов тайёрлади