Бугун уч нафар эркин курашчимиз Париж-2024 Олимпиадаси лицензияси учун курашга киришади

Жаҳон лицензион турнирида ҳар уччала йўналиш бўйича терма жамоаларимиз йўлланмалар учун баҳс олиб бораётгани ҳақида хабар берган эдик. Афсуски, юнон-рум курашчиларимизнинг ҳар иккиси (Маҳмуд Бахшиллоев ва Жалгасбай Бердимуратов) бу имкониятдан фойдалана олмади. 

Аёллар курашидаги уч нафар вакиламиздан иккисида (Лайлохон Собирова, Шоҳида Аҳмедова) Олимпиада чиптаси учун имконият сақланиб қолди. Улар бугун Париж-2024 лицензияси учун курашни плей-офф босқичида давом эттиришади. 

Шунингдек, бугундан эркин кураш мусобақасига ҳам старт берилади. Олимпиада лицензияси учун 3 нафар эркин курашчиларимиз баҳсларга киришишади. Улар Бишкекдаги Осиё лицензион турнирида бу имкониятдан фойдалана олмаган эдилар. 

-65 кг вазн тоифасида ёшлар ўртасидаги барча мусобақаларда ғолиб бўлишга муваффақ бўлган Умиджон Жалолов, -97 кг вазнда энг тажрибали курашчимиз, Рио-2016 Олимпиадаси бронза медали совриндори 39 ёшли Магомед Ибрагимов ҳамда -125 кг вазнда Ҳасанбой Раҳимов Истанбул гиламларида юртимиз шарафини ҳимоя қилади.    

Эркин курашчиларимиз учун қуръа натижалари:

-65 кг: 1/16 финал. Умиджон Жалолов - Сужит Сужит (Ҳиндистон)

-97 кг: Квалилифкация раунди. Магомед Ибрагимов - Адлан Висханов (Франция)

-125 кг: Квалилифкация раунди. Ҳасанбой Раҳимов - Парис Карепи (Албания) 

Лицензияни қўлга киритган эркин курашчиларимиз:

-57 кг: Ғуломжон Абдуллаев

-74 кг: Бекзод Абдураҳмонов

-86 кг: Жавраил Шапиев