Бугун Венгрияда спорт курашлари бўйича рейтинг сериясига кирувчи турнир бошланади

Эркин, юнон-рум ва аёллар кураши бўйича ўтказиладиган ушбу мусобақада Ўзбекистон терма жамоаси ҳам иштирок этади. Кеча турнирга қуръа ташлаш маросими бўлиб ўтди. Бугун мусобақанинг илк куни эркин кураш бўйича беллашувлар ўтказилади. 

Бугун 57, 61, 65, 70, 79 ва 125 кг вазн тоифаларида ғолиб ҳамда совриндорлар аниқланади. Эртага эса 74, 86 ва 92 кг вазнларда саралаш ва финал баҳслари ташкил этилади. 125 кг вазнда курашиши керак бўлган Ҳасанбой Раҳимовга виза чиқмаганлиги айтилмоқда ва шу сабаб билан энг оғир вазнли эркин курашчимиз мусобақага бормаган.  

Бугун Париж-2024 Олимпиадаси лицензианти Ғуломжон Абдуллаев (57 кг) ва яна бир истеъдодли курашчимиз Умиджон Жалоловга мухлислик қиламиз. Абдуллаев илк даврадаёқ эронлик Али Ҳоссейн Моменжужадеҳга қарши гиламга чиқади. Ҳамюртимиз эронлик рақибидан ўта олса, уни 1/4 финалда озарбайжонлик Алиаббас Рзазаде кутиб турибди. 65 кг вазндаги беллашувлар айлана тарзида ташкил этилади. Жалолов Венгрия, Озарбайжон ва Япония курашчиларига қарши баҳс олиб боради. 

Бугун курашадиган эркин курашчиларимиз учун қуръа натижалари:

57 кг. квалификация раунди: Ғуломжон Абдуллаев - Али Ҳоссейн Моменжужадеҳ (Эрон)

65 кг. 1-рануд: Умиджон Жалолов - Исмаил Мусукаев (Венгрия)  

2-раунд: Умиджон Жалолов - Ҳажи Алиев (Озарбайжон)

3-раунд: Умиджон Жалолов - Котаро Киюка (Япония)