25 май 14:01
Янгиликлар

Хоккей

Бугун хоккей бўйича жаҳон чемпионатида финалчилар аниқланади

Шу кунларда Чехиянинг Прага ва Острава шаҳарлари хоккей бўйича катталар ўртасидаги жаҳон чемпионатига мезбонлик қилмоқда.

Бугун дунё биринчилигида 1/2 финал учрашувлари ўтказилади. Ҳал қилувчи ўйинларга Канада, Швейцария, Чехия ва Швеция терма жамоалари етиб келди. Ғолиблик учун асосий даъвогар ҳисобланаётган Канада терма жамоаси 1/4 финалда Словакияни 6:3 ҳисобида таслим этди. Бугун "чинорбарглилар" финал чиптаси учун Швейцарияга қарши музга чиқишади. Айнан Канада амалдаги жаҳон чемпиони бўлиб турибди.

1/2 финал жуфтликлари:

Швеция — Чехия;

Канада — Швейцария.

Эртага жаҳон чемпионатининг финал ҳамда 3-ўрин соҳибини аниқлаб берувчи учрашувлари пойтахт Прагадаги 17 000 томошабинга мўлжалланган "O2 Арена"да бўлиб ўтади.