"Бунга жавоб қила олмай йиқилдим". Ута Абе Диёра Келдиёровадан учралган мағлубият ҳақида гапирди

Абе сўнгги бор 2019 йилнинг ноябрида, 47 та жанг олдин мағлуб бўлганди. Ўшанда у франциялик Амандин Бушарга мағлуб бўлган.

"Ютқазганимда ўзимга кела олмадим, чунки Олимпиада ҳақида жуда кўп ўйлагандим, ўша кун учун жуда кўп иш қилгандим", - деди Абе.

Шунингдек, у Келдиёрова ажойиб техника намойиш этганини ҳам таъкидлади. 

"Мен бунга жавоб қила олмай йиқилдим", - деди спортчи.

Япония аёллар терма жамоаси бош мураббийи Кацуюки Масучи ҳам рақиба Утадан чаққон бўлганини айтди.

"-52 кг вазн тоифасида кўплаб яхши дзюдочилар бор. Келдиёрова катта тезликка эга. Мусобақа қийин бўлишини билардим, аммо Ута ҳар доимгидек ғалаба қозониш йўлини топа олишини кутгандим", - деди мураббий. 

Эслатиб ўтамиз, Ута Абе Олимпиада ва жаҳон чемпиони ҳисобланади. У Париж Олимпиадасининг иккинчи даврасида ҳамюртимиз Диёра Келдиёровага қарши татамига чиқди ва мағлубиятга учради.