20 май 09:25
Янгиликлар

Хоккей

"Бургут" жамоаси Ўзбекистон хоккейи ёш юлдузини ўз сафига қўшиб олди

Тошкентда ташкил этилган янги профессионал хоккей клуби - "Бургут" ўзининг илк трансферини эълон қилди.

Жамоа хоккей бўйича Ўзбекистон U18 терма жамоаси сардори, "Бинокор" клуби тарбияланувчиси, "Tashkent Select" клуби аъзоси Салоҳиддин Азимовни ўз сафига қўшиб олди.

Маълумот учун, Азимов Ўзбекистон U18 терма жамоаси сафида икки карра Осиё ва Океания чемпиони бўлган. У ўтган ҳафтада "Tashkent Select" клуби билан Ўзбекистон чемпионати ғолиблигини қўлга киритди.