20 окт 17:02
Янгиликлар
Дзюдо
Бутунжаҳон армия ўйинлари. Матниязова бронза медали соҳибаси!
Шу кунларда Хитойнинг Ухан шаҳрида Бутунжаҳон армия ўйинлари давом этмоқда.
Мусобақада Ўзбекистон спорт делегацияси ҳам бир нечта спорт турлари бўйича иштирок этяпти. Улар орасида дзюдочиларимиз ҳам бор. Дзюдо мусобақасида дунёнинг 57 давлатидан жами 350 нафар (232 эркак, 118 аёл) ҳарбий-спортчи татамига чиқмоқда.
Бугун ўрта ва оғир вазн тоифаларида беллашувлар ўтказиляпти. Бундан бир неча дақиқа аввал -70 кг вазн тоифасида юртимиз шарафини ҳимоя қилган Гулноза Матниязова бронза медалини қўлга киритди.
Маълумот учун, Гулноза ярим финалга қадар мағлубиятсиз етиб борди. У КХДР вакиласи Ким Жин Ганг, польшалик Дарья Погорзелечни мағлуб этди ва ярим финалда россиялик Алёна Прокопенкога ютқазиб қўйди. Бронза медали учун кечган беллашувда эса германиялик Сара Майкелбургдан устун келди.
Ҳавола :
Манба : olamsport.com
Фикрлар