14 июл 10:12
Янгиликлар

Бошқалар

Бутунжаҳон ўйинлари: Даря Латишева делегациямизга кумуш медал келтирди

Бирмингем (АҚШ) шаҳрида ўтаётган Бутунжаҳон ўйинларидан хушхабар.

Ушу бўйича терма жамоамиз аъзоси Даря Латишева делегациямизга навбатдаги медални тақдим қилди, дея хабар қилди МОҚ матбуот хизмати.

Латишева таулу йўналишида ажойиб чиқиши билан мухлислар ва ҳакамлар олқишига сазовор бўлди. Унинг дастури якунда кумуш медалга лойиқ кўрилди.

Шу тариқа, “Билл баттле cолисеум” аренаси жамоамиз учун яна омадли келди. Энди 15 июл куни Баҳромжон Машарипов (жиу-жицу) ушбу майдонда медаллар учун кураш олиб боради.

Бу билан делегациямиз ҳисобидаги медаллар сони яна биттага кўпайиб, 1 та кумуш (ушу) ва 1 та бронзани (карате) ташкил этмоқда.

Эслатиб ўтамиз, мусобақада 110 та мамлакат иштирок этмоқда. Айни пайтда Ўзбекистон терма жамоаси медаллар жамғариш рейтингида 46-ўринни эгаллаб турибди.