Бутунжаҳон шахмат Олимпиадаси. Асосий рақибларимиз 2-турда қандай натижа қайд этишди? (+ФОТО)

Амалдаги Олимпиада чемпиони ҳисобланган Ўзбекистон эркаклар терма жамоаси дастлабки икки турда ғалабага эришди. Ёш гроссмейстерларимиз 45-Бутунжаҳон шахмат Олимпиадасининг 1-турида Тринидад ва Тобаго, 2-турда эса Миср терма жамоасини бир хилда 3,5:0,5 ҳисобида мағлубиятга учратиб, чемпионлик ҳимоясини муваффақиятли бошлашди. 

Терма жамоамизнинг асосий рақиблари ҳам дастлабки икки турда осон ғалабага эришишди. Ҳиндистон терма жамоаси кеча ўтказилган 2-турда Исландияни 4:0, Хитой Чилини 3,5:0,5, АҚШ Сингапурни 4:0, Арманистон Андоррани 3:1, Венгрия Перуни 3,5:0,5, Озарбайжон Финляндияни 3,5:0,5 ҳисобида таслим этди.