Бутунжаҳон шахмат Олимпиадаси. Қизларимиз мағлуб бўлмаётган 16 давлат қаторида + ФОТО

Ўзбекистон аёллар терма жамоаси ҳам йигитларимиз сингари кетма-кет учта турда ғалабага эришди. Қизларимиз 45-Бутунжаҳон шахмат Олимпиадасининг 1-турида Гаитини 4:0, 2-турда Анголани 3:1, 3-турда эса Венгрияни 2,5:1,5 ҳисобида мағлубиятга учратиб, 100 фоизлик натижа қайд этган 16 давлат қаторида бўлиб туришибди.  

Терма жамоамизнинг асосий рақибалари ҳам 3-турда осон ғалабаларга эришишди. Фақат бироз кутилмаганда Олимпиаданинг рейтинг-фаворитларидан бири Грузия терма жамоаси 3-турда очко йўқотди. Грузинлар Руминия терма жамоаси билан 2:2 ҳисобидаги дурангга имзо чекишди. 

Ҳиндистон терма жамоаси 3-турда Швейцарияни 3:1, Хитой Италияни 3,5:0,5, АҚШ Канадани 3,5:0,5, Франция Швецияни 3:1, Арманистон Венгрияни 3:1, Украина Исроилни 3:1, Қозоғистон Австрияни 3:1 ҳисобида таслим этди. Озарбайжон - Аргентина учрашуви 2:2 ҳисобидаги дуранг билан якунланди.