Бутунжаҳон шахмат Олимпиадаси. Терма жамоаларимиз 9-турдан сўнг нечанчи ўринда? (+ ЖАДВАЛ)

Ўзбекистон эркаклар ва аёллар терма жамоалари кеча ўтказилган 9-турда кучли рақиблари билан бир хилда - 2:2 ҳисобидаги жанговар дурангга имзо чекишди. Гроссмейстер йигитларимиз пешқадам Ҳиндистон билан муросага келишди. Ҳисоб 1,5:1,5 бўлиб турган бир пайтда Шамсиддин Воҳидов дунёнинг тўртинчи рақамли шахматчиси Аржун Эргаисини мағлуб этиш учун астойдил ҳаракат қилди. Аммо якунда томонлар муросага келишди. Ҳиндистон илк маротаба очко йўқотди ва айни пайтда турнир жадвалида 17 очко билан якка пешқадамликни давом эттирмоқда. 

АҚШ терма жамоаси 9-турда Венгрияни 2,5:1,5 ҳисобида енгиб, 15 очко билан қўшимча кўрсаткичларга кўра иккинчи ўринга кўтарилиб олди. Кучли учликни якунлаб турган Ўзбекистон терма жамоаси ҳисобида ҳам 15 очко бор. Тўртинчи поғонадаги Хитой ҳам 15 очко жамғарган. Чин юрти вакиллари кеча 9-турда Эрондан 2,5:1,5 ҳисобида устун келишди. 

Қизларимиз эса 45-Бутунжаҳон шахмат Олимпиадасининг 9-туридаг сўнг 5 ғалаба, 2 дуранг, 2 мағлубият билан 12 очко жамғарган ҳолда қўшимча коэфицентларга кўра турнир жадвалининг 27-поғонасини банд этишган. Ўн олтинчи ўринни эгаллаб турган Англия терма жамоаси ҳисобида ҳам худди биз каби 12 очко бор. Тўққизинчи турдан сўнг Қозоғистон терма жамоаси 16 очко билан карвонбошига айланиб олди. Улар кеча Польшадан 2,5:1,5 ҳисобида устун келишди. Ҳиндистон эса АҚШ билан баҳсда очко йўқотди - 2:2.