06 ноя 11:14
Янгиликлар

Шахмат

Бутунжаҳон Шахмат олимпиадасида 2-ўринни эгалладик

28 октябрь - 6 ноябрь кунлари Туркиянинг Чорум шаҳрида 16 ёшгача бўлган шахматчилар ўртасида Бутунжаҳон Шахмат Олимпиадаси бўлиб ўтди.

Юртимиз шарафини Халқаро тоифадаги гроссмейстерлар Абдусатторов Нодирбек, Жавоҳир Синдаров, ФИДЕ спорт устаси Али Қосимов, Муҳиддин Мадаминов, халқаро тоифадаги спорт устаси Умида Омонова ҳимоя қилишди. Ҳамюртларимиз турнирда қатнашган 250 дан ортиқ иштирокчи орасида жамоавий ҳисобда фахрли 2-ўринни эгаллашди.

16 ёшгача бўлганлар орасида Бутунжаҳон Шахмат олимпиадаси 9 турдан иборат бўлиб, швейцарча тизимда бўлиб ўтади. 9 тур натижасига кўра, ҳамюртларимиз 15 очко жамғаришди. Биринчи ўринни Озарбайжон терма жамоаси 16 очко билан банд этди. 14 очко жамғарган беларуслик шахматчилар учинчи ўринни эгаллашди.