Бухоро “Фьючерс”. Султонов ва Файзиев чорак финалда

Соврин жамғармаси 25 000 АҚШ долларини ташкил қилувчи мусобақанинг асосий тўрида 7 нафар теннисчимиз ўз иштирокини бошлаган ва улардан фақатгина икки нафари иккинчи даврага йўл олган эди. 

Асосий тўрга имтиёзли йўлланма асосида қўйилган Ҳумоюн Султонов ғалабали серияни иккинчи даврада ҳам давом эттирди. Ёш теннисчимиз турнирнинг саккизинчи ракеткаси украиналик Владислав Манафовни 7:6(4), 6:1 ҳисобида таслим этди. 

Мусобақада бешинчи рақам остида таснифланган Санжар Файзиев эса аргентиналик Мануэль Пена Лопесдан 6:4, 6:1 ҳисобида устун келиб, чорак финалга йўл олди. 

Энди Султонов ярим финал чиптаси учун турнирнинг тўртинчи ракеткаси россиялик Евгений Тюрневга, Файзиев эса иккинчи рақам остида ҳаракат қилаётган яна бир рус теннисчиси Константин Кравчукка қарши кортга чиқади.