02 окт 07:48
Янгиликлар
Тадбирлар
Бухорода "Соғлом ҳаёт сари қадам" шиори остида марафон бўлиб ўтди
Бухоро вилоятида 1 октябрь «Ўқитувчи ва мураббийлар куни» муносабати билан вилоят марказида «Соғлом ҳаёт сари қадам» шиори остида юриш марафони ташкил этилди.
Пандемия даврида жамиятда соғлом турмуш тарзини шакллантириш, касалликларнинг олдини олиш, аҳоли кенг қатламларини, айниқса ёшларни жисмоний тарбия ва спорт билан шуғулланишга жалб этиш, оммавий спортнинг инсон ва оила ҳаётидаги муҳим аҳамиятини тарғиб этиш борасида кенг кўламли ишлар амалга оширилмоқда.
Ушбу оммавий тадбирда вилоят мутасаддилари, кексалар ва нуронийлар, аёллар ва ёшлар белгилаб берилган масофани пиёда босиб ўтишди. Таъкидлаб ўтиш лозим ушбу ташкил этилган оммавий спорт тадбирида 3000га яқин аҳоли иштирок этди.
Зеро соғлом танда соғ ақл деганларидек айни пайтда касалликка қарши курашишда спорт билан шуғулланиш ўз ижобий самарасини бермасдан қолмайди.
Ҳавола :
Манба : minsport.uz
Фикрлар