Бухорода хотин-қизлар иштирокида йирик спорт фестивали ўтказилди

Фестивал “Нефтчи” спорт соғломлаштириш марказида туман жисмоний тарбия ва спорт бўлими ҳамда Бухоро нефтни қайта ишлаш заводи билан ҳамкорликда Президентимиз томонидан илгари сурилган 5 та муҳим ташаббус ижроси ҳамда “Хотин –қизлар ҳафталиги” муносабати билан ташкил этилди.

Мазкур спорт фестивали 100 нафардан ортиқ завод аёл ишчи ходималари ўртасида бир нечта спорт турлари бўйича ташкил этилди. Қизиқарли ва ноодатий тарзда кечган мазкур спорт фестивали якунида ғолиб ва совриндорлар ташкилотчилар томонидан қимматбаҳо совғалар билан тақдирланди.

Хотин-қизлар ўртасида бундай спорт тадбирларнинг ташкил этилиши аёллар спортини ривожлантириш уларни оммавий тарзда жисмоний тарбия ва спортга жалб қилиш, шунингдек, уларнинг иш фаолиятини самарали ташкил этишда муҳим аҳамият касб этади.