28 апр 12:29
Янгиликлар

Формула-1

Буюк Британия Гран-приси мухлисларсиз ўтказилади

Буюк Британия Гран-приси ўтказилувчи Сильверстоун трассасига мухлислар киритилмайди.

Гран-при ташкилотчилари мамлакатда коронавирус пандемияси хавфи сақланиб қолаётгани сабабли шундай қарорга келишган. Формула-1 расмий сайтида бу хабар чоп этилган.

"Бу қарорга келиш биз учун осон бўлмади. Биз учун мухлисларнинг хавфсизлиги муҳим. Мамлакат раҳбарияти ҳам таваккал қилмасликни лозим топган", - деди Сильверстоун трассаси директори Стюард Прингл.

Маълумот учун, Буюк Британия Гран-приси 17-19 июль кунлари ўтказилиши керак.