Cабина Бобоқулова лицензион турнирдаги иштирокини бошлади

Хабар берганимиздек, бугун мусобақа доирасида 4 нафар боксчимиз навбатдаги жангларини ўтказишяпти. Улардан дастлаб -66 кг вазнда Навбаҳор Ҳамидова грециялик Параскеви Мавромматини мағлубиятга учратган эди. Бу Ҳамидова учун турнирдаги илк жанг бўлди. 

Қувонарлиси, ҳозиргина яна бир боксчи қизимиз Сабина Бобоқулова (-50 кг) ҳам турнирдаги илк жангида рингга кўтарилди. Сабина сингапурлик Даниша Матиалаганни уч раунд тўлиқ давом этган жангда ҳакамларнинг якдил қарори билан мағлубиятга учратди - 5:0!

Бироздан сўнг -80 кг вазндаги боксчимиз Тўрабек Ҳабибуллаев польшалик Рафал Перcзйнски билан тўқнаш келади. Бу баҳс тахминан соат 22:00ларда бошланади. Боксчиларимизнинг бугунги иштирокини Ситора Турдибекова якунлаб беради. -57 кг вазндаги боксчимизнинг чехиялик Люси Седлачковага қарши жанги тунги соат 01:15 дан кейин старт олади.