“Cамо”да “кураш маликалари” аниқланди + ФОТО

Унда 200 нафарга яқин спортчи ўз омадини синаб кўрди. Фарғона шаҳри мезбонлик қилган турнирда Қорақалпоғистон Республикаси, вилоятлар ҳамда Тошкент шаҳри вакиллари иштирок этди. Жами 8 та вазн тоифасидаги баҳсларда полвонлар яккалик ва жамоавий беллашувларда ўз имкониятини амалда кўрсатди. 

Эътиборлиси, иштирокчилар орасида ҳаваскор спортчилар билан бирга, халқаро мусобақалар ғолиблари, жаҳон ва Осиё чемпионларининг ҳам қатнашганлиги умидли курашчилар учун катта тажриба мактаби вазифасини ўтади.

Фарғона вилояти ҳокимлиги, оила ва хотин-қизлар қўмитаси, вилоят прокуратураси, Ўзбекистон кураш федерацияси ҳамда вилоят кураш федерацияси томонидан ушбу мусобақага кўрилган катта тайёргарлик ишлари қизларга байрамона кайфиятни ҳадя этди.  

Якуний натижага кўра, умумжамоа ҳисобида сурхондарёлик қизлар биринчи ўринга сазовор бўлди. Тошкент шаҳри, Фарғона ва Бухоро вилояти жамоалари кучли учликка якун ясаб берди.  

Ғолиб ва совриндорларга диплом, медаллар ва эсдалик совғалари топширилди. Шунингдек, мусобақада алоҳида намуна кўрсатган хотин-қизлар ва ҳамкорларга федерациянинг ташаккурномалари топширилди.