Candidates Tournament 2024. Непомняшийга етиб олишди ФОТО + ЖАДВАЛ

Эркаклар ва аёллар ўртасидаги ушбу мусобақада 8 нафардан шахмат юлдузлари жаҳон тожига даъвогар номини аниқлаб бериш учун ўзаро дона суришяпти. 

Мукофот жамғармаси 500 000 еврони ташкил қилувчи мусобақанинг эркаклар ўртасидаги баҳсларида америкаликлар Ҳикару Накамура, Фабиано Каруана, ҳинд гроссмейстерлари Сантош Гужрати, Гукеш Доммараджу, Рамешбабу Праггнанадҳа, озарбайжонлик Нижат Абасов, франциялик Алиреза Фирузжа ҳамда FIDE байроғи остида қатнашаётган Ян Непомняший ўз маҳоратини намойиш этмоқда.

Кеча ўтказилган 8-турнинг 2 та партиясида томонлар муросага келишди. Қолган икки партияда Гукеш ва Накамура муҳим ғалабаларини қўлга киритишди. Доммараджу қора доналарда ўйнашига қарамай, Ҳиндистон дербисида Видит Гуджратидан устун келди ва очколарини пешқадам Ян Непомняшийга етказиб олди. Жаҳон чемпионатининг ўтган йилги финалчиси ҳисобланган Ян 8-турда оқ доналарда ўйнаса-да, аутсайдер Ниджат Абасовни енга олмади. 

Candidates Tournament 2024. 8-тур натижалари

Хикару Накамура (АҚШ, 2789) — Фабиано Каруана (АҚШ, 2803) — 1:0

Ян Непомнящий (FIDE, 2758) — Нижат Абасов (Озарбайжон, 2632) — 1/2:1/2

Рамешбабу Прагнанандха (Ҳиндистон, 2747) — Алиреза Фируджа (Франция, 2760) — 1/2:1/2.

Видит Гуджрати (Ҳиндистон, 2727) — Гукеш Доммараджу (Ҳиндистон, 2743) — 0:1.

Эслатиб ўтамиз, 22 апрелга қадар давом этадиган ушбу турнир ғолиби амалдаги жаҳон чемпиони, хитойлик гроссмейстер Дин Лижэнга қарши жаҳон тожи учун дона суриш ҳуқуқини қўлга киритади. 

8-турдан кейинги турнир жадвалидаги ҳолат:

1-2. Ян Непомняший, Гукеш – 5 очкодан

3-4. Накамура, Прагнанандҳа – 4,5 

5. Каруана – 4

6. Видит – 3,5

7. Фируджа – 3

8. Абасов – 2,5.

Candidates Tournament 2024. 9-тур жуфтликлари

Алиреза Фируджа (Франция, 2760) — Ян Непомнящий (FIDE, 2758)

Гукеш Доммараджу (Ҳиндистон, 2743) — Рамешбабу Прагнанандха (Ҳиндистон, 2747)

Видит Гуджрати (Ҳиндистон, 2727) — Хикару Накамура (АҚШ, 2789) 

Нижат Абасов (Озарбайжон, 2632) — Фабиано Каруана (АҚШ, 2803)

Маълумот учун, ушбу даъвогарлар турнирида ҳамюртимиз Нодирбек Абдусатторов иштирок этмаяпти. Боиси, мусобақанинг барча саккиз иштирокчиси турли саралаш турнирлари орқали йўлланмани қўлга киритган.