Царукян Дариушга қарши жанги ҳақида гапирди

"Менда вақт ҳамда мақсадим борлигидан жуда хурсандман. Дивизиондаги ёш жангчилар орасида энг яхшисиман. Бенеил UFCʼда 20 дан ортиқ жанг ўтказган, шунинг учун бу ёш ва қари бўри ўртасидаги қарама-қаршилик бўлади. Кўрамиз, ким ғалаба қозонади.

Бу дақиқани анчадан бери кутгандим. Бешликдаги йигитларга кўп марта қўнғироқ қилдим ва барчаси бефойда бўлди. Ниҳоят, кучли бешликдаги рақибга қарши курашиш имконияти бор. Мен бунга лойиқман. Иккинчи декабрь куни мен кучли бешликдан жой олишим ҳамда чемпион бўла олишим мумкинлигини кўрсатаман", - деди Арман.

Эслатиб ўтамиз, Царукян сўнгги жангида бразилиялик Жоаким Сильвани техник нокаут эвазига мағлуб этган эди.