Царукян Гэтжи - Пимблетт жангига муносабат билдирди

Асли арманистонлик аралаш яккакураш устаси Жастинга ҳурматини билдириб, уни ўзининг навбатдаги рақиби сифатида кўрмоқчи эканини айтди.

"Сенга имкониятлар беришса ва рейтингни сунъий равишда кўтаришса, мана нима содир бўлади - Пэдди учун мутлақо лойиқ бўлмаган камар имконияти эди бу. Жастинни табриклайман. У ҳақиқий характер кўрсатди ва бошқалардан фарқли ўлароқ мен билан жангга чиқадиган бўлди. Респект!", - деб ёзди "Ахалкалакес" ўзининг ижтимоий тармоқдаги саҳифасида.

Эслатиб ўтамиз, бугун Лас-Вегасда бўлиб ўтган UFC 324 турнирининг асосий жангида Жастин Гэтжи британиялик рақибини ҳакамларнинг якдил қарори эвазига мағлубиятга учратиб, ўз фаолиятида иккинчи бор вақтинчалик чемпионлик камарини қўлга киритган эди. Бу билан у асосий камар эгаси Илия Топурия билан жанг қилиш имкониятига ҳам эга бўлди.