Царукян Пимблеттга: "UFC сенга қоғоз камар учун қизил йўлак очади"

Британиялик аралаш яккакураш устаси Царукянга ўз ўрнини билиши кераклиги, чунки унинг зерикарли жангларини ҳеч ким кўришни истамаслигини айтганди.

"Мен сенинг йилда бир марта қариялар билан жанг қилишинг ёки UFC сенга бу қоғоз камар учун қизил йўлак очиши ҳақида гапириб беришим мумкин. Лекин бир нарсани айтиб қўяй: агар қачондир мен билан октагонга чиқишга журъатинг етса, фақат битта натижа бўлади - сен энг кўп қўрқадиган натижа. Охир-оқибат ҳамма сенинг сохта эканлигингга гувоҳ бўлади.

Сен тилингни тийиб юравер. Фақат эҳтиёт бўл, январда жабр кўрадиган сен бўлмагин. Юқорида айтиб ўтганимдек, октагон эшигининг ёпилиш пайти муҳим аҳамиятга эга. Қафасдан қўлимни кўтарган ҳолда мен чиқаман, сени эса қўлларингдан ушлаб олиб чиқишади", - деб ёзди Царукян ижтимоий тармоқда британияликка мурожаат қилиб.

Эслатиб ўтамиз, 24 январб куни Лас-Вегас шаҳрида UFC 324 турнири ўтказилади. Унинг кардида Пэдди Пимблетт америкалик Жастин Гэтжига қарши октагонга чиқади. Ушбу жанг енгил вазнда вақтинчалик UFC чемпионлик камари учун кечади.