Царукян Топуриянинг кучли ва заиф томонларини санаб берди

"Топуриянинг бокси жуда зўр. У жуда кучли ва оғир зарба беради, шу билан бирга, у ўз фурсатини кутадиган жангчи — яъни шошилмайди. Бу ҳам катта фазилат. Кўплаб жангчиларда бундай сифат йўқ. Агар Илия масалан зарба ўтказса, дарров жавоб беришга шошилмайди, аксинча, бунга хотиржамлик билан қарайди. Топурияда жуда яхши жангчи IQ'си бор — бу унинг кучли жиҳатлари.

Заиф томонларига келсак, у клинчда (яъни яқин масофада) ишлашда чарчашни бошлайди. Мен айнан шу жиҳатда ишлашим керак бўлади — унинг зарба кучи камайиши учун. Унинг грэпплинги қандай? Менимча, унга қарши ҳали кучли курашчи тўғри келмаган. Фақат Брайс Митчелл бор эди. Аммо у ҳам юқори даражали курашчи эмас, шунинг учун баҳолаш қийин. Лекин мен ёки Ислам Махачев уни ерда ушлаб туришимиз мумкин", — деди Царукян.