02 сен 10:17
Янгиликлар

Бокс/ММА

Царукян UFC`даги қайси қоидани ўзгартирмоқчи эканини айтди

Россия-арманистонлик Арман Царукян UFC 331 турнирида бразилиялик Маурисио Руффига қарши жангига тайёргарликни давом эттирмоқда.

Арман агар аралаш яккакурашларда битта қоидани ўзгартириш имконияти бўлганида, раундларни бекор қилардим, деб айтди.

"Раундлар бўлмаслиги керак. Шунчаки 25 дақиқага чиқасан. Раундлар йўқ, тўхталишлар йўқ. Худди ҳақиқий кўча жанги каби", — деди Царукян UFC`нинг "Deep Water" подкастида.

Маълумот учун, 29 ёшли Арман Царукяннинг профессионал ММА рекордида 23 та ғалаба (шундан 15 таси муддатидан олдин) ва учта мағлубият бор. "Бетмен" профессионал сифатида аралаш яккакурашлардаги дебютини 2015 йил сентябрида ўтказган. UFC билан эса 2019 йил апрелидан ҳамкорлик қила бошлаган. У эркин кураш ва ММА бўйича спорт устаси ҳисобланади.