Царукянни мағлуб этган Колби Ковингтоннинг кейинги рақиби Билол Муҳаммад бўлади

Унга кўра, собиқ UFC жангчилари Колби Ковингтон ҳамда Билол Муҳаммад RAF 12 турнирида ўзаро беллашади.

Ушбу баҳс 22 август куни АҚШнинг Огайо штати, Кливленд шаҳридаги Rocket Arena мажмуасида бўлиб ўтади ва турнирнинг ко-мейн ивенти сифатида ташкил этилади.

Жангга бўлган қизиқиш RAF 11 турниридан кейин янада кучайди. Ўша оқшомдаги матбуот анжуманида Ковингтон ва Муҳаммад ўртасида кескин тортишув юзага келган эди. 

Маълумот учун, Колби Ковингтон RAF промоушенида ҳозиргача тўртта жанг ўтказиб, барчасида ғалаба қозонган. RAF 11 турнирида у Арман Царукянни мағлуб этиб, промоушеннинг илк Crossover чемпионига айланди. Билол Муҳаммад эса RAF 11 мусобақасида Бэн Аскренни мағлуб этган ва ташкилотдаги ҳисобини 1 ғалаба ҳамда 1 мағлубиятга етказганди.