CAS IBA апелляциясига "йўқ" деди

IBA Судга Халқаро олимпия қўмитаси (ХОҚ) Ижроқўмининг ташкилотни тан олмаслик таклифи юзасидан апелляция берган ва буни тўхтатишни сўраган эди. 

"Спорт арбитраж судининг апелляцион палата раиси IBA талабини қондирмади", — дейилади CAS расмий баёнотида.

Икки ҳафта аввал Ижроқўм Халқаро олимпия қўмитасини IBAни ХОҚ талабидаги ислоҳотларга зид ҳаракатлари учун расмий халқаро ташкилот сифатида тан олмасликка чақирганди. 

Шу тариқа, IBA шикояти қабул қилинмади ва энди ташкилот бор умидини тез орада ХОҚнинг бокс масалаларига бағишлаб ўтказиладиган навбатдаги ташқари сессияга тикади. 

Эслатиб ўтамиз, Халқаро олимпия қўмитаси 2019 йилда бошқарув, молия, ҳакамлик каби масалалардаги муаммолари сабаб IBAни халқаро ташкилот сифатида тан олинишидан маҳрум қилганди. IBA Токио Олимпиадаси доирасидаги бокс мусобақасини ўтказишдан четлатилди ва ҳозирги ҳолатда Париж-2024 Олимпиадаси саралашида ҳам шу ҳолат давом этади.