Champions Chess Tour. Магнус Карлсен финалнинг 1-сетини ўз фойдасига ҳал қилди

Умумий мукофот жамғармаси 500 000 АҚШ долларини ташкил этувчи ушбу мусобақанинг финал босқичида дунёнинг саккиз нафар кучли гроссмейстери бош соврин учун баҳсларга киришганди. Улар қаторида ҳамюртимиз Нодирбек Абдусатторов (2727) ҳам муваффақиятли иштирок этиб, 1/2 финалга қадар етиб борган ва якунда 3-ўринни эгаллаганди. 

Кеча тунда ҳал қилувчи финал босқичининг биринчи сет учрашуви ўтказилди. Унда амалдаги жаҳон чемпиони Магнус Карлсен америкалик Уэсли Сони 2,5:1,5 ҳисобида мағлубиятга учратиб, чемпионлик сари илк қадамини ташлади. 

Бугун гроссмейстерлар ўртасида иккинчи сет партиялари ўйналади. Агар Со бугун ҳисобни тенглаштириб олса, ҳал қилувчи 3-сетга мурожаат қилинади.