Champions Chess Tour. Нодирбек Абдусатторов Канададаги супертурнирда Накамурани енгди, Со билан дуранг ўйнади

Умумий мукофот жамғармаси 500 000 АҚШ долларини ташкил этувчи ушбу мусобақанинг финал босқичида дунёнинг саккиз нафар кучли гроссмейстери қаторида ҳамюртимиз Нодирбек Абдусатторов ҳам иштирок этмоқда. 

Кеча ўтказилган бешинчи ва олтинчи тур учрашувларида Нодирбек америкалик номдор гроссмейстерларга қарши дона сурди. Абдусатторов Ҳикару Накамурани 2:1 ҳисобида мағлубиятга учратди. Уэсли Со билан эса уччала партияда дуранг ўйнади.  

Ҳозирча мусобақа доирасида 6 та тур ортда қолди. Абдусатторов 6-турдан сўнг 3 очко жамғарган ҳолда турнир жадвалида 4-ўринни эгаллаб турибди. Уэсли Со 6 очко билан пешқадамлик қилмоқда. Магнус Карлсен 5 очко билан иккинчи, Фабиано Каруана 5 очко билан учинчи ўринни банд этган. 

Абдусатторов мусобақада ҳозиргача қайд этган натижалар:

Нодирбек Абдусатторов - Алиризо Фируджа 0,5:1,5

Нодирбек Абдусатторов - Магнус Карлсен (Норвегия) 1:2

Нодирбек Абдусатторов - Денис Лазавик (Беларусь) 2:1

Нодирбек Абдусатторов - Фабиано Каруана (АҚШ) 2:0

Нодирбек Абдусатторов - Ҳикару Накамура (АҚШ) 2:1

Нодирбек Абдусатторов - Уэсли Со (АҚШ) 1,5:1,5 

Нодирбекнинг навбатдаги рақиби билан танишинг: 

7-тур: Максим Вашьер-Лаграв (Франция)