Чарльз Оливейра 2023 йил режаларини ошкор қилди

Эътиборлиси, жангларнинг бири Ислам Махачевга қарши бўлиб ўтар экан. Лекин Ислам Чарльзга реванш берармикан? Ҳамма гап шунда.

"Биз ўз олдимизга улкан режаларни қўйишимиз керак. Катта эҳтимол билан май ойида АҚШдаги турнирда октагонга қайтаман. Йил охирида эса Бразилияда жанг ўтказишни режалаштиряпман. Балки чемпионлик камари учун бўлар жанг. Бахтга қарши омадсиз 10 дақиқа мени кўп нарсадан маҳрум қилди. Ислам Махачевга қарши реванш жангни қандай бўлмасин ташкил этишимиз керак. Менга бу жанг керак. Ишончим комил, бу жанг албатта ўтказилади. Ватаним Рио-де-Жанейрода ўтган UFC 283 турнирида жанг ўтказишимни таклиф қилишганди. Агар бошим эмас, юрагим билан ўйлаб, қарор чиқарганимида, бу кардда менинг жангим бўларди. Ҳаммасини ўйлаб, майда АҚШ, йил сўнггида Сан-Паулуда жанг ўтказишни афзал билдим", - деди Оливейра.

Бир неча кун аввал Чарльз Оливейра навбатдаги рақиби UFC рейтингида тўртинчи ўринни эгаллаб турган Бенил Дариуш бўлишини айтган эди.