Чарльз Оливейра BMF чемпиони мақомидаги режалари билан бўлишди

Бразилиялик аралаш яккакураш устаси камарини енгил ва ўрта вазн тоифасидаги ҳар қандай рақибга қарши ҳимоя қилишга тайёр. Аммо унинг бутун эътибори Илия Топурия ва Жастин Гэтжи ўртасидаги бирлаштирувчи камар жангига қаратилган бўлиб, унинг ғолибига қарши октагонга чиқмоқчи. 

"Албатта, мен Оқ уйдаги турнирнинг асосий жангини жуда диққат билан кузатаман, унда Илия ва Гэтжининг камарлари бирлаштирилади. Нимани хоҳлашимни биласиз: мен бу камарни истайман, шунинг учун ҳаммаси қандай бўлишини кўрамиз. Ҳозир уйга бориб, дам оламан-да, кейин нима бўлишини кузатаман.

Менга енгил вазндаги тўлақонли чемпионлик камари керак. Мен бу ҳақда доим гапирганман: келинглар, Оқ уйдаги жангни кутамиз - мен айнан шуни амалга оширмоқчиман. Лекин ярим ўрта вазнда менга қарши супер жанг қилмоқчи бўлсангиз - марҳамат, бунга ҳам тайёрман. Ўрта вазнда хоҳлайсизми - бунда муаммо йўқ. Менга барибир. Хоҳласангиз - Гран-при қилинг: бир кунда иккита жанг, кейин нима бўлишини кўрамиз", - деди бразилиялик.