Чарльз Оливейра Хабиб ва Исламга дангал мурожаат қилди

Аввалроқ, Нурмагомедов Ислам Оливейра билан унинг ҳудудида, яъни Бразилияда жанг қилишга тайёр экани ва уни айнан бразилияликнинг асосий қуроли жиу-житсу усулида мағлуб этишини айтган эди.

"Агар улар чиндан ҳам шуни исташаётган бўлса, чемпионни таъқиб этишда давом этишлари керак. Мен ҳам шундай йўл тутгандим ва якунда чемпионликка эришгандим. Мен декабрда жанг қилишни хоҳлайман. Сизлар ҳам шуни истаяпсизларми? Сизларга бу керакми? Мабодо шундай бўлса, нима кутяпсизлар? Келинглар, ҳамма кутаётган жангни амалга оширамиз. Мен сизларга мурожаат қиляпман! Келинглар, декабрда Бразилияда жанг қиламиз! Лекин Хабиб, сен шуни яхшилаб эшитиб ол. Сен башорат бериш бўйича уч маротаба хатоликка йўл қўйгансан. Мен Исламни қайси усул билан мағлуб этиш масаласида ваъда бермайман. Аммо, уни аниқ таслим этаман. Бу гапимни эслаб қолинглар - мен Ислам Махачевни енгаман. Дивизионнинг асосий бош оғриғини Чарльз Оливейра деб чақиришади. Конор МакГрегорни унутинглар. Бизда янги ғоя бор. Бразилияда Чарльз Оливейра - Ислам Махачев жангини ташкил қилиш. Сиз бу жангни хоҳлаяпсизми? Унда бу ғояни амалга оширамиз. Хабиб ва унинг дўстлари оғзига келган гапни айтаверади. Менинг жиу-житсум UFC енгил вазн дивизионидаги энг яхшиси. Хабиб 29 та ғалабали серия қайд этган. У жангларини қандай сотишни жуда яхши биларди. Чемпионлик даврида кам гапирарди, треш-токларга йўл қўймасди. Фаолиятини якунлаганидан кейин эса мақтанчоқ бўлиб қолди", - дея Brazilian MMA Legends нашрига интервью берган Оливейра.