26 июл 16:49
Янгиликлар

Бокс/ММА

Чарм қўлқоп устамиз WBO чемпионлик камари учун жанг қилишга яқин

Фаолиятини Вьетнамда давом эттираётган тажрибали боксчимиз Олимжон Назаров WBO (Бутунжаҳон бокс ташкилоти) чемпионлик камари учун рингга кўтарилишга яқин турибди.

Назаров Шарқий Осиёда катта нуфузга эга бўлган COCKY BUFFALO промоутерлик компанияси билан шартнома имзолаган бўлиб, ҳозирда Вьетнамда яна бир ҳамюртимиз Бобур Нажмиддинов қўл остида машғулотларни ўтказмоқда.

Ушбу промоутерлик компанияси айни пайтда вакант бўлиб турган WBO камари учун Назаров иштирокидаги жангни ташкил қилишга уринмоқда. Олимжон рейтингнинг 8-поғонасидан жой олган. Кучли учликдан филиппинлик Гьемель Маграмо, Пуэрто-Рико вакили Анхель Акоста, япониялик Дзунто Накатани жой олган.

Маълумот учун, Олимжон Назаров ўта енгил вазн (-50,80 кг) тоифасида ўз жангларини ўтказиб келмоқда. У "Оқтепа" профессионал клубида Зуфар Сулаймонов қўл остида бокс сир-асрорларини ўрганишни бошлаган.