“Чарм тўп-2019”. “Бобур” мамлакат босқичида Тошкент вилояти шарафини ҳимоя қилади

Тошкент вилоятининг Юқори Чирчиқ туманида “Чарм тўп” мусобақасининг тўртинчи босқичи бўлиб ўтди. Унда Нурафшон шаҳридан “Бобур” маҳалла фуқаролар йиғини (МФЙ),  Янгийўл шаҳридан “Бахт” МФЙ ҳамда Юқори Чирчиқ туманидан “Шодлик” МФЙ жамоалари ўзаро кураш олиб боришди. 

Дастлаб Янгийўл шаҳар ҳамда Юқори Чирчиқ тумани маҳалла жамоалари майдонга тушишди. Учрашувда Юқори Чирчиқ туманининг “Шодлик” МФЙ жамоаси ғолиб бўлди.

“Чарм тўп-2019” мусобақасининг Тошкент вилояти босқич финалида Нурафшон шаҳрининг “Бобур” МФЙ жамоаси “Шодлик” маҳалла жамоасига қарши баҳс олиб борди. Голларга бой бўлган баҳсда 5:1 ҳисобида зафар қучган “Бобур” жамоаси Тошкент вилояти ғолиби сифатида Республика финал босқичига йўлланма қўлга киритди.

Илҳом Раҳмонов тайёрлади