15 ноя 10:12
Янгиликлар
От Спорти
Чавандозларимизнинг Испаниядаги муваффақияти давом этади
Испаниянинг Валенсия шаҳрида от спортининг конкур йўналиши бўйича навбатдаги халқаро мусобақа бўлиб ўтди.
Осиё ва Европанинг етакчи чавандозлари ўртасида кечган баҳс вакилларимиз учун муваффақиятли якунланди. Баландлиги 140 см бўлган тўсиқлардандан ўтиш беллашувларида Саидамирхон Турғунбоев энг яхши натижани қайд этди ва мусобақанинг олтин медалига сазовор бўлди.
Шунингдек, 120 см баландликдаги тўсиқларда кечган баҳс ҳам биз учун омадли келди. Бу йўналишда тажрибали Аъзам Толиббоев ғалаба қозониб, мадҳиямиз яна бир бор янграши сабабчисига айланди.
Эслатиб ўтамиз, куни кеча айнан ушбу шаҳарда ўтган мусобақада вакилларимиз 1 тадан олтин ва бронза медалларига сазовор бўлишган эди.
Ҳавола :
Манба : olympic.uz
Фикрлар