"Челленжер" турнири ғолиби Сергей Фомин АТР рейтингида "супер" юқорилашга эришди

Ўтган ҳафта билан таққослаганда, рейтингнинг Топ-10'лигида ҳеч қандай ўзгариш кузатилмади. Сербиялик Новак Жокович ҳамон АТР рейтингини бошқариб боряпти. Россиялик Даниил Медведев иккинчи, германиялик Александр Зверев учинчи поғонадан жой олган.

Мамлакатимизнинг биринчи ракеткаси Денис Истомин ўтган ҳафтадаги ўрнидан 8, Ҳумоюн Султонов 5, Санжар Файзиев 1 поғона пастлади.  

"Shymkent II Challenger 80" турниридаги ғалабадан сўнг Сергей Фомин рейтингда "супер" юқорилашга эришди. Ўтган ҳафта 838-поғонани банд этиб турган Фомин бу ҳафта ўз ўрнидан 434 поғона юқорилашга эришди ва 404-ўринга жойлашди. Шунингдек, Фомин ушбу юқорилаш орқали Ҳумоюн Султонов ва Санжар Файзиевни ортда қолдириб, мамлакатимизнинг иккинчи ракеткасига айланди.

ATP рейтинги. Топ-10. 23 май ҳолатига кўра:

1. (1) Новак Жокович (Сербия) - 8660 очко

2. (2) Даниил Медведев (Россия) - 7980

3. (3) Александр Зверев (Германия) - 7075

4. (4) Стефанос Циципас (Греция) - 5965

5. (5) Рафаэль Надаль (Испания) - 5525

6. (6) Карлос Алькараз (Испания) - 4648

7. (7) Андрей Рублёв (Россия) - 3945

8. (8) Каспер Рууд (Норвегия) - 3940

9. (9) Феликс Оже (Канада) - 3820

10. (10) Маттео Берреттини (Италия) - 3805

Ўзбекистонлик теннисчиларнинг АТР рейтингидаги ўрни:

311 (303). Денис Истомин - 161

404 (838). Сергей Фомин - 102

430 (425). Ҳумоюн Султонов - 91

671 (670). Санжар Файзиев - 33

1161 (1162). Саидаъло Саидкаримов - 6

1207 (1211) Жўрабек Каримов - 5

1645 (1636) Олимжон Набиев - 2

1816 (1808) Шониғматжон Шофайзиев - 1