28 апр 15:39
Янгиликлар

Теннис

Чемпион Фомин Shymkent Challenger 2 турниридаги юришини бошлади

Теглар : Сергей Фомин Shymkent Challenger 50

Мамлакатимизнинг биринчи ракеткаси Сергей Фомин уч кун олдин Шимкент шаҳрида фаолиятидаги иккинчи ATP Challenger туркумига кирувчи турнирида чемпион бўлганди.

Бу ҳафта учун мўлжалланган мукофот жамғармаси 63 000 АҚШ долларини ташкил этувчи Shymkent Challenger 2 турнирида 25 ёшли ҳамюртимиз ҳам ўз омадини синаб кўрмоқда. Бугун Фомин илк даврада нидерландиялик 30 ёшли Йелле Селсга қарши баҳс олиб борди.

Бир соату 52 дақиқа давом этган учрашувда Сергей Фомин 6/3, 7/6(5) ҳисобида ғалаба қозониб, 1/8 финалга йўл олди. Сергей 2, Йелле 8 та эйс зарбасини амалга оширди. Қўшхатолар Селсда биттага кўпроқ бўлди - 7 га 6. Бу теннисчиларнинг ўзаро ўтказган илк учрашуви бўлди.