Чемпион Жон Жонс оғир жароҳат олгани ҳақида хабар берди

Бир йилдан ортиқроқ вақт мобайнида октагонда кўриниш бермаётган чемпион аралаш яккакураш мухлисларини ажаблантиришда давом этмоқда. Жонс ижтимоий тармоқдаги саҳифасига пост жойлаб, оғир жароҳат олгани ва бунинг натижасида ҳатто фаолиятини якунлаши мумкинлигина ишора қилган.  

"Лас-Вегас аэропортида бармоғимнинг ярмини чопиб ташлашди", - дея хабар ёзган Жонс.

Кейинчалик америкалик чемпион бу хабарини ўчириб ташлаган ва жароҳат бўйича ҳеч қандай изоҳ ёки тушунтириш бермаган. Жон Жонс ўтган йилнинг март ойида уч йиллик танаффусдан сўнг фаолиятини қайта тиклаганди. Ўшанда у Сирил Ганни биринчи раунднинг ўзидаёқ гильотина усули билан мағлубиятга учратган ва UFC чемпионлик камарини қўлга киритганди. Ўтган йилнинг ноябрида америкалик яккакураш устаси ҳамюрти Стипе Миочичдан камарини ҳимоя қилиши керак эди. Лекин машғулот чоғида кўкрак қафасининг мускулларини шикастлаб олгани боис жанг бекор қилинганди. 

Жон Жонснинг сўзларига кўра, унинг Миочичга қарши жанги 9 ноябрь куни АҚШнинг  Нью-Йорк шаҳрида ташкил этиладиган UFC 309 турнири доирасида ўтказилиши керак. Лекин ҳозирча бу жанг расман тасдиқланмаган.