Чемпион Леон Эдвардснинг навбатдаги жанг тафсилотлари маълум

Британиялик чемпион Манчестер шаҳрида ташкил этиладиган UFC 304 турнирида дивизион рейтингининг иккинчи поғонасидан жой олган Белал Муҳаммадга қарши жанг ўтказади. Бу ҳақда Леоннинг мураббийи Дэйв Ловелл хабар берди.

"Шавкат, Хамзат ва Ислам вариантлари таклиф этилди. Лекин бу амалга ошмади. Бўладиган иш бўлди. Биз UFC 300 турнирида жанг қилишни жуда ҳам хоҳлагандик. Энди олдинга қараб юрамиз. 99.9% аминманки, кейинги жангимиз Манчестерда Белалга қарши бўлиб ўтади", - деди британиялик мутахассис.  

Маълумот учун, Эдвардс ва Муҳаммад ўртасидаги жанг реванш мақомида бўлади. 2021 йилнинг март ойида улар ўртасида яримўрта вазн тоифасида ўтказилган жанг ўтказилмаган дея топилганди. Ўшанда британиялик жангчи иккинчи раундда рақибининг кўзига қўлини тиқиб олганди. Бунинг натижасида Белал жангни давом эттира олмаган эди.