Чемпион Владимир Минеев фаолиятини тўхтатди, у урушга боради

У бор эътиборини ҳарбий хизматга қаратади. Бу ҳақда унинг ўзи ТАСС нашрига хабар берди.

"Ҳа, ҳозир спортчилик фаолиятимда танаффус оламан. Махсус ҳарбий операцияга жўнаб кетиш олдидан ҳамма кўнгиллилар қатори тайёргарлик кўриб олишим керак. Ҳамма қатори ҳарбий тайёргарлик машғулотларида иштирок этаман", - деди Минеев.  

Эслатиб ўтамиз, 32 ёшли Владимир Минеев сафарбарликка жалб этилган 300 минг россиялик сафидан жой олган эди. Ўшанда унинг кикбоксинг бўйича бразилиялик Фернандо Родригесга қарши жанги борлиги учун вақт олганди. Минеев жангда рақибини учинчи раундда техник нокаутга учратган эди.

Минеев аралаш яккакурашлардаги сўнгги жангини ўтган йилнинг октябрь ойида AMC Fight Nights 105 турнири доирасида Магомед Исмаиловга қарши ўтказиб, номдор рақибини учинчи раундда техник нокаут эвазига мағлубиятга учратган эди.