23 янв 09:08
Янгиликлар

Теннис

Чемпион Янник Синнер Australian Open 1/2 финалида!

Австралиянинг Мельбурн шаҳрида теннис бўйича "Катта Дубулға" туркумига кирувчи йилнинг илк мусобақаси давом этмоқда.

Дунёнинг биринчи ракеткаси, мусобақанинг амалдаги чемпиони Янник Синнер ортиқча қийинчиликсиз Австралия Очиқ чемпионатининг ярим финал иштирокчисига айланди. Италиялик теннисчи 1/4 финалда ATP рейтингида саккизинчи ўринни эгаллаб турган австралиялик Алекс Де Минаурга ҳеч қандай имконият қолдирмади - 6/3, 6/2, 6/1.

Теннисчиларнинг ўзаро учрашувларидаги ҳисоб "сухой" кўринишида ўта йириклашиб кетди - 10:0. Бир юз саккиз дақиқа давом этган баҳсда иккала ракетка устаси ҳам 2 тадан эйс зарбасини амалга оширган. Брейклар бўйича мутлақ устунлик Синнер томонида бўлди - 6 га 0! Янник фаолиятида бешинчи бор "Катта Дубулға" турнирлари 1/2 финалида ўйнайди.