18 янв 11:18
Янгиликлар

Бокс/ММА

Чемпионлик имкониятини қўлга киритган Мойкано ваъда берди

UFC 311 турнирининг марказий жангида чемпион Ислам Махачевга қарши октагонга чиқиш ҳуқуқини қўлга киритган Ренато Мойкано бу "совға"га ўз муносабатини билдирди.

Аслида бразилиялик аралаш яккакураш устаси UFC 311 турнирида америкалик Бенил Дариушга қарши октагонга чиқиши керак эди. Тақдир енгил вазн тоифаси рейтингнининг 10-поғонасида бораётган Ренато Мойканога ана шундай имконият ҳамда совға тақдим этди.

"Мойкано чемпионлик камари учун бормоқда! Ислам Махачев, тайёр тур! Эртага менинг куним бўлади. Кутилмаган бу имконият тақдим этилганидан ўзимда йўқ хурсандман. Мен бежизга беш раундлик жангларга чапақай усубдаги жангчилар билан тайёргарлик кўрмаган эканман. Астойдил меҳнат қилаётгандим. Қачонлардир чемпионлик имконияти берилишини кутиб яшаётгандим. Эртага дунёни ларзага соламан. Мен жаҳон чемпиони бўламан. Бунга ваъда бераман. Кетдик!", - деди Мойкано.