06 сен 17:55
Янгиликлар

Бокс/ММА

Чемпионлик камари учун рингга чиқадиган боксчимиз тарозидан ўтди ФОТОГАЛЕРЕЯ

Эртага Жанубий Кореянинг Пажу шаҳридаги "Unjeong Gymnasium"да профессионал бокс кечаси ўтказилади.

Эътиборлиси, оқшомнинг марказий жанги ҳамюртимиз Ҳусниддин Пўлатов иштирокида кечади. Ҳусниддин вакант бўлиб турган WBA Asia чемпионлик камари учун кореялик Ин Дак Сеога қарши рингга кўтарилади. Бугун боксчилар тарозидан ўтиш маросимида иштирок этишди.

Маълумот учун, Дак Сео проф рингда 15 та жанг ўтказган. Жангларнинг 12 тасида ғалаба қозонган. Еттита жангда рақибларини нокаутга учратган. Ҳисобида битта мағлубият ва иккита дуранг бор.

Ҳусниддин Пўлатов эса 10 та жангда рингга чиққан. Ғалабага эришган 7 та жангидан 5 тасида рақибларини нокаут эвазига таслим этган. Учта жангда мағлубиятга учраган. Эртанги жанг 12 раунддан иборат бўлади.