18 мар 14:34
Янгиликлар
Бокс/ММА
Чендлер ҳали ҳам Макгрегор билан жанг қилишга умид боғлаяпти
Енгил вазн тоифасида UFC камари учун собиқ даъвогар, америкалик Майкл Чендлер ирландиялик собиқ чемпион Конор Макгрегор билан жанги ҳали ҳам актуал эканига ишонмоқда.
"Ҳаммамиз Конор Макгрегор қачон қайтишини билишни истаймиз. Лекин мени кузатадиганлар биладики, мен уни кутмайман. Конор қайтганида менинг исмим жанг шартномасида бўлишини билади. Агар Макгрегор хоҳласа, аниқки, бу жанг ташкил қилинади.
Биз The Ultimate Fighter 31 шоусидан бери давом этаётган ишни тугатишимиз керак. Бу қизиқарли жанг бўлади. Дунёнинг исталган нуқтасида чипталар сотилган ва биз жуда кўп томошабинларни жалб қилган бўлардик", дея Чендлернинг сўзларидан иқтибос келтиради Eurosport.
Майкл ва Конор аслида, 2024 йил ёзида жанг қилишлари керак эди, бироқ Макгрегорнинг жароҳати бунга ҳалақит бериб қолганди.
Ҳавола :
Манба : Eurosport
Фикрлар