Чиллада ўтказилган “Тошкент ёзи” турнирининг ғолиб ва совриндорлари аниқланди ФОТОРЕПОРТАЖ

Ўн кун давомида 250 нафарга яқин шахматчи “А” ва “В” гуруҳларига бўлинган ҳолда ғолиблик учун дона сурди. “А” гуруҳида навоийлик Ситора Сапарова 9 имкониятдан 8 очко тўплаган ҳолда ғолиблик шоҳсупасининг энг юқори поғонасидан жой эгаллади. 

Бухоролик Махсум Бозоровга иккинчи ўрин насиб этди. У барча ўйинлар натижасига кўра 6,5 очкога эга бўлди. Кучли учликка 6 очко жамғарган пойтахтлик Муҳиддин Мадаминов якун ясади. 

“В” гуруҳида эса Зилола Актамова, Исломбек Холмаматов (Навоий), Умар Отахонов, Зафар Зойитжонов (Тошкент), Асадбек Қурбонбоев (Хоразм), Акобир Жўраев (Қашқадарё) ўз гуруҳида ғолиб ва совриндорлар сафидан жой эгаллади.

Мусобақа ғолиб ва совриндорлари ташкилотчилар томонидан диплом ҳамда эсдалик совғалари билан тақдирланди.

Суратлар муаллифи - Алимурод Мамадаминов