Чим устида хоккей бўйича терма жамоамиз Тошкентга қайтиб келди

Мазкур мусобақада Ўзбекистон ёшлар терма жамоаси фахрли иккинчи ўринни қўлга киритган эди. Бугун мусобақада қатнашган терма жамоамиз вакиллари Тошкентга қайтиб келишди. Спортчиларимиз Ислом Каримов номидаги Тошкент халқаро аэропортида тантанали кутиб олинди. Уларни кутиб олиш маросимида Ўзбекистон Миллий олимпия қўмитаси ва Ўзбекистон чим устида хоккей федерацияси мутасаддилари иштирок этди. 

Мусобақада иккинчи ўринни қўлга киритган вакилларимиз бу билан Японияда ўтказиладиган Осиё чемпионатида иштирок этиш ҳуқуқини ҳам қўлга киритдилар. Таъкидлаш жоиз, қизларимиз мусобақада фақатгина мезбонларга 0:1 ҳисобида имкониятни бой бериб қўйишди. Хитой Таипейи билан дуранг қайд этилган бўлса, Гонгконг, Баҳрайн ва Шри-Ланка жамоалари йирик ҳисобда мағлуб этилди. Шунингдек, ҳамюртимиз Сабина Адизова мусобақада “Энг яхши спортчи” номинациясида ғолиб бўлди.